मिशन पूर्ण केल्याशिवाय कुठेच जाणार नाही; कोणी हुरळून किंवा घाबरून जाऊ नये: पाटील

पुणे| मी कोल्हापूरला जाणार अशी उलटसुलट चर्चा सुरू आहे. मात्र कुणी हुरळून आणि घाबरून जाण्याचं कारण नाही, केंद्राने दिलेले मिशन पूर्ण केल्याशिवाय मी कुठेच जाणार नसल्याचे स्पष्टीकरण भाजपाचे प्रदेशाध्यक्ष चंद्रकांतदादा पाटील यांनी आज पुण्यात पत्रकारांशी बोलतांना दिले. 

फोटो:फाईल

बापट साहेबांचा संदर्भ धरून मी बोललो असे पाटील यांनी सांगून सारवासारव करण्याचा प्रयत्न केला. आयुष्यात सर्वानाच सेटल व्हावे लागते, पुणे सेटल होण्यास चांगले आहे,असे बापट यांनी सांगितल्यावर आपण पुणे सेटल होण्यास फारच चांगले आहे असे सांगून मी माझ्या कोल्हापूरला जाणार असे म्हणालो, याचा अर्थ  लगेच बॅग आवरून जाणार असा नाही. केंद्राने दिलेले मिशन जो पर्यंत पूर्ण होत नाही तो पर्यंत कुठे ही जाणार नाही. माझे विधान हे निवृत्ती नंतरच्या विषयाबाबत होता असा खुलासा त्यांनी केला.

तसेच मी कधी ही जाऊ शकतो, त्याला काल मर्यादा नाही असे शेवटी स्पष्ट केले. मात्र केंद्राने कोणते मिशन दिले आहे असे विचारले असता त्यांनी त्याबाबत अधिक बोलणे टाळले, तसेच तुम्ही कोथरूड मधून पून्हा लढणार का? या पत्रकारांच्या प्रश्नाला ही बगल दिली.