अँकरवृत्तसेवा। जगात कोरोना महामारीने थैमान घातले आहे. कोरोनाचा सर्वाधिक तडाखा अमेरिकेला बसला असून 24 तासात अमेरिकेत 2043 लोकांचा मृत्यू झाला आहे.दुसरीकडे गेल्या दोन दिवसात चीनमध्ये 0 मृत्यू झाल्याचे डब्ल्यूएचओच्या दैनंदिन अहवालातील आकडेवारीत जाहिर करण्यात आले आहे.
 |
| फोटो: फाईल |
डब्लूएचओ रोज कोरोनाबाबत जगाची परिस्थिती अहवालाद्वारे जाहिर करत आहे, त्यात जगातील प्रत्येक देशातील बाधीत लोक, मृत्यूची संख्या आणि नवीन बाधीत आणि नवीन मृत्यूची आकडेवारी नमूद करण्यात येते. 48 तासात म्हणजे दि. 18 आणि 19 एप्रिल 2020 दरम्यानच्या दोन्ही अहवालात चीनमध्ये 0 मृत्यूची नोंद आहे. त्यापूर्वी म्हणजे दि. 17 एप्रिलच्या अहवालात अचानक 1290 मृत्यू चीनने नोंदवले होते, त्यामुळे अमेरिकेने चीनवर संशय व्यक्त करत आकडयांची लापवाछपवी करत असल्याचा आरोप ही केला आहे. चीनने या महामारीला ज्या प्रमाणे नियंत्रित करण्यात यश मिळवले त्याबद्दल ही जगाला आश्चर्य आहे. त्यामुळे अमेरिकेला जे जमले ते चीनने करुन दाखवले असे सांगितले जात असले तरी चीनविषयी संशयाचे ढग कमी होणार नाही हे ही तितकेच खरे!
वर्ल्ड हेल्थ ऑर्गनाझेशनने चीनची गेल्या 10 दिवसातील मृत्यूची जाहिर केलेली आकडेवारी
अहवाल क्रमांक/ दिनांक / २४ तासातील मृत्यू
९० दि.१९ एप्रिल ०
८९ दि. १८एप्रिल ०
८८ दि. १७ एप्रिल १२९०.
८७ दि. १६ ०
८६ दि.१५ १
८५ दि.१४ ०.
८४ दि.१३ २
८२ दि.१२ ०
८१ दि. ११ ४
८० दि. १० १