तुम्ही प्रयत्न करा, नोकरी आम्ही मिळून देऊ: प्रेरणा बलकवडे यांचे आवाहन! मेळाव्याला ६०० युवक युवतींचा प्रतिसाद
नाशिक| वेळ कठीण आहे पण युवक-युवतींनी गोंधळून न जाता नोकरीसाठी सतत प्रयत्नशील रहावे आम्ही ही तुम्हाला नोकरी मिळून देण्यास कटिबध्द आहोत असे आवाहन राष्ट्रवादी महिला काँग्रेस आणि झेप भरारी फाऊंडेशनच्या अध्यक्षा प्रेरणा बलकवडे यांनी आज येथे केले आहे.
नोकरी मेळाव्याप्रसंगी बेरोजगार युवक युवतींना मार्गदर्शन करतांना त्या बोलत होत्या.भगूर शहरात युवक युवतींसाठी राष्ट्रवादी महिला काँग्रेस आणि झेप फाऊंडेशनच्या वतीने(Job Fair2020) नोकरी मेळाव्याचे करण्यात आले होते. या मेळाव्यासाठी सुमारे ६०० हून अधीक युवक युवतींनी सहभाग नोंदवला.
करोनाच्या पार्श्वभुमीवर लाॅकडाऊनमुळे परप्रांतीय कामगारांचे इतर राज्यात स्थलांतर झाले आहे. त्यामुळे उद्योगीक कंपन्यांना मोठ्या प्रमाणात मनुष्यबळाची कमतरता भासत आहे. या पार्श्वभुमीवर पुणे,मुंबई, नाशिक, नागपूर येथील नामांकीत अस्थापना कंपन्यांमध्ये विविध प्रकारच्या रिक्तपदांसाठी मोठी संधी देऊ केली आहे.
तरुणांसाठी आज घडीला नोकरी मिळवणे हे खुप कठीण काम वाटते. योग्य माहितीची कमतरता, अधिक माहिती, नेमका इंटरेस्ट कशात याविषयी माहिती नसणे, करिअरविषयीचे अनेक समज-गैरसमज आणि करिअरविषयी मनात असलेला गोंधळ नेमका का, या प्रश्नांची उत्तरे शोधण्याचा प्रयत्नात ते गोंधळून जातात..पण या सर्व गोष्टींना वाचा देत, तुम्ही प्रयत्न करा नोकरी आम्ही मिळवून देऊ असे आश्वासन राष्ट्रवादी महिला जिल्हाध्यक्ष प्रेरणा बलकवडे यांनी तरुणांना दिले तसेच या पुढेदेखील रोजगारासाठी काऊंसीलींग सेंटर भगूर मध्ये सुरु राहील अशी महिती त्यांनी बोलताना दिली.
तत्व टेकनाॅलोजीस(ठाणे), आरयन हाॅस्पीटॅलिटी, पाटले एड्यू स्कील्स फाऊंडेशन( नागपूर), ॲक्युरा वाॅलव्ह, भंडारी ग्लोबल सरव्हीसेस, अजमेरा इंडस्ट्रीज, एमपी असोसीएट्स, स्वराली काॅन्ट्रेक्ट्स या कंपनींसह काही कंपन्यांचे virtual मुलाखाती देखील या ठिकाणी घेण्यात आल्याची माहिती झेप फाऊंडेशनचे सेक्रटरी विशाल बलकवडे यांनी दिली. आज जागेवर ४० लोकांची नेमणुक करण्यात आली असून पुढील दोन दिवसात नेमणुकीचा दुसरा टप्पा पार पडणार आहे व त्यात देखील असंख्य तरुणांना नोकरीची संधी मिळेल अशी माहिती त्यांनी दिली. आर्यन हॉस्पीटॅलिटीचे रसल मॅथीव व पाटले एड्यू स्कील्सचे रंजीत पांडे यांनी तरुणांना ऑडियो कॉन्फरन्स द्वारे मार्गदर्शन केले.
या वेळी राष्ट्रवादी महिला जिल्हाध्यक्षा प्रेरणा बलकवडे, विशाल बलकवडे, आमोल हरळे, गोरखनाथ बलकवडे, चिंतन अजमेरा, गणेश गायधनी, पंकज शेलार, सतीश भंडारी, दर्शन अनारे, सचीन गुळवे, सुरज वंदार, आदिंसह असंख्य युवक युवती उपस्थित होते.
