संतोष गिरी
निफाड| तालुक्यातील पुर्व भागातील व येवला- लासलगाव या विधानसभा मतदार संघातील बोकडदरे येथे विंद्युत वितरण कंपनीने ग्रामसभा घेऊन कृषी विज धोरण २०२० ही योजना व गावाचा फायदा या बाबी समजावून सांगितल्या. तसेच बोकडदरे येथे विज बिल भरण्यासाठी चक्क स्पर्धा होऊन १८० विज ग्राहकांनी बावीस लाख रुपये भरना करुन १००% विज बिल भरणा केल्याने हे गाव महाराष्ट्रात अव्वल ठरले आहे, अशी माहिती विद्युत वितरण कंपनीचे अधिक्षक अभियंता विजयानंद काळे यांनी दिली. ते नैताळे येथे झालेल्या कार्यक्रमात बोलत होते.
महाराष्ट्रात सर्वत्र विज बिल भरणा करण्यासाठी विद्युत वितरण कंपनीचे अधिकारी व कर्मचारी प्रयत्न करत आहेत, याचाच एक भाग म्हणून निफाड या उपविभागातील बोकडदरे येथे विद्युत वितरण कंपनीचे उप कार्यकारी अभियंता बंकट सुरवसे व सहाय्यक अभियंता पुजा वाळुंज यांनी बोकडदरे ग्रामपंचायतीने आयोजित केलेल्या ग्रामसभेस उपस्थित राहुन कृषी विज धोरण २०२० ही योजना सांगून गावासाठी योजना किती फायद्यची आहे हे समजावून सांगितले होते.
बोकडदरे ग्रामस्थानी योजना समजून घेतल्याने विज बिल भरणा करण्यासाठी चक्क स्पर्धा झाली व अतिशय कमी कालखंडात १००% विज बिल भरणा झाला यातुन विद्युत वितरण कंपनीला २२ लाख रुपयांचा महसुल मिळाला त्यामुळे विद्युत वितरण कंपनीच्या अधिक्षक अभियंता विजयानंद काळे यांनी या परिसराला भेट दिली.नैताळे ता.निफाड येथे कोविड- १९ चे नियम पाळून एका शानदार कार्यक्रमाचे आयोजन करुन बोकडदरे येथील शेतकऱ्यांचा सन्मान केला. १००% विज बिल भरणा करुन या गावाने महाराष्ट्रात नावलौकिक मिळवला आहे. यावेळी ,नाशिक शहर मंडळ अधिक्षक अभियंता प्रविण दरोली, कार्यकारी अभियंता रविंद्र आव्हाड, सहाय्यक अभियंता कैलास शिवदे निफाड उपविभागाचे उपकार्यकारी अभियंता बंकट सुरवसे, सहाय्यक अभियंता कु. पुजा वाळुंज, जनमित्र अतुल गजबे यांचाही सन्मान करण्यात आला. कार्यक्रमाचे प्रास्तविक व सुत्रसंचलन भाऊराव दराडे यांनी केले कार्यक्रमास परिसरातील शेतकरी विद्युत वितरण कंपनीचे कर्मचारी वर्ग उपस्थित होते.
बोकडदरे गावाने सर्वांसमोर आदर्श ठेवला: सुरवसे
बोकडदरे या गावाने कृषी पंपाचे १००% विज बिल भरुन परिसरात आदर्श निर्माण केला आहे इतर गावानी ही कृषी धोरण २०२० या योजनेत भाग घेऊन आपला व परिसराचा लौकिक वाढवावा
बंकटजी सुरवसे
उप कार्यकारी अभियंता