निफाडसाठी जनसुविधा योजनेअंतर्गत १ कोटी २० लाखाचा निधी: आ. दिलीप बनकर

संतोष गिरी

निफाड| जिल्हा वार्षिक योजने अंतर्गत ग्रामपंचायतीना जनसुविधा साठी विशेष अनुदान योजना राबविण्यात येतेे, या योजनेअंतर्गत सन २०२०-२१ या आर्थिक वर्षात नाशिक जिल्ह्यातील सुमारे २३० ग्रामपंचायतीच्या कामांना प्रशासाकीय मान्यता देण्यात आली असून, त्यापैकी निफाडचे आमदार दिलीपराव बनकर यांनी सुचविलेल्या सुमारे १ कोटी  २० लाख रुपयाच्या कामांना मान्यता देण्यात आली असल्याची माहिती आ. दिलीपराव बनकर यांनी पत्रकारांना दिली.

निफाड तालुक्यातील या ग्रामपंचायतींना  संबंधित निधी मंजूर झाला असून, त्यामध्ये ओणे येथे दशक्रिया शेड बांधणे १० लाख, महाजनपूर येथे दशक्रिया शेड बांधणे १० लाख, गोरठाण येथे स्मशानभूमी  अनुषंगिक कामे करणे १० लाख, नांदुर्डी येथे स्मशानभूमीत निवारा शेड बांधकाम करणे १० लाख, नारायणटेंभी येथे स्मशानभूमी अनुषंगिक कामे करणे १० लाख, बेहेड येथे  स्मशानभूमी अनुषंगिक कामे करणे १० लाख, पिंपळस येथे दशक्रियाविधी शेड बांधणे २० लाख, नैताळे  येथे स्मशानभूमी अनुषंगिक कामे करणे १० लाख, वावी येथे दशक्रियाविधी शेड बांधणे १० लाख, शिंपीटाकळी येथे ग्रामपंचायत कार्यालय बांधणे २० लाख आदी कामांचा समावेश आहे. ही कामे मंजूर केल्याबद्दल नाशिक जिल्ह्याचे पालकमंत्री छगन भुजबळ याचे आमदार दिलीपराव बनकर यांनी आभार मानले

निफाडच्या विकासासाठी कटिबध्द: आ.बनकर

निफाड तालुक्यातील जनतेने ज्या विश्वासाने माझ्यासारख्या कार्यकर्त्याला दुसऱ्यांदा आमदार म्हणून काम करण्याची संधी दिली, त्यासाठी न बोलता निफाड तालुक्यातील थांबलेला विकासाला चालना देण्यासाठी मी सदैव प्रयत्न करीत असून covid-19 या संकटातही  तालुक्यातील विकास कामांसाठी जेवढा निधी आणता येईल तेवढा आणण्यासाठी शर्तीचे प्रयत्न करत आहे.

दिलीपराव बनकर, आमदार निफाड