नाशिक| दिअँकर नेटवर्क| महाराष्ट्रातील अखिल भारतीय किसान सभेच्या नेतृत्वाखाली शेतकरी व आदिवासी बांधवांनी दि. 13 मार्च 2023 रोजी नाशिक ते मुंबई असा किसान लाँग मार्च सुरू केला आहे. कांद्यासह शेतमालाला हमी भाव द्यावा यासह विविध 17 मागण्यांसाठी हा मोर्चा काढण्यात आला. त्यात हजारो शेतकरी सहभागी झाले असून त्यात महिला शेतकऱ्यांचा ही लक्षणीय सहभाग आहे. आज नाशिकहून लालवादळ मुंबईकडे सरकले आहे. दरम्यान राज्य सरकार सोबत होणारी शेतकऱ्यांची आजची बैठक रद्द झाली असून ती उद्या होणार आहे.
सर्वात प्रमुख म्हणजे कांदा ,कापूस, सोयाबीन, तूर, हरभरा, पिकांना हमी भाव द्यावा हरभरा पिकांना हमी भाव द्यावा. कांद्याला प्रति क्विंटल 2000 रुपये आणि निर्यात धोरणांमध्ये बदलांसह 600 रुपये प्रति क्विंटल तात्काळ अनुदान देण्याची मागणी ही करण्यात आली.
इतर प्रमुख मागण्या पुढीलप्रमाणे
शेतकरी वर्गाला संपूर्ण कर्जमाफी; प्रलंबित वीजबिल माफ करणे आणि दररोज 12 तास वीजपुरवठा; अवकाळी पाऊस आणि इतर नैसर्गिक आपत्तींमुळे शेतकऱ्यांच्या झालेल्या नुकसानीसाठी सरकार आणि विमा कंपन्यांकडून भरपाई; सर्व वनजमीन, कुरण, मंदिर, इनाम, वक्फ आणि बेनामी जमीन लागवड करणाऱ्यांच्या नावे; पीएम हाऊसिंग स्कीम सबसिडी 1.40 लाखांवरून 5 लाख रुपयांपर्यंत वाढवा, नवीन सर्वेक्षण करा आणि 'डी' यादीत अर्जदारांची नावे समाविष्ट करा; केरळ फॉर्म्युल्यानुसार आवश्यक भूसंपादनाच्या प्रकरणांमध्ये भरपाई द्या; वृद्धावस्था आणि विशेष पेन्शनची रक्कम दरमहा ४००० रुपयांपर्यंत वाढवा; 2005 नंतर रुजू झालेल्या सरकारी कर्मचाऱ्यांसाठी जुनी पेन्शन योजना पूर्ववत करा; अंशत: अनुदानित शाळांना 100 टक्के अनुदान द्या; सरकारी पदांवरील सर्व रिक्त जागा भरा; सर्व कंत्राटी कामगार आणि योजना कामगारांना सरकारी कर्मचारी म्हणून नियमित करा; आणि सरकारी पदांवरील बोगस आदिवासी काढून टाका आणि त्यांच्या जागी खऱ्या आदिवासींची नियुक्ती करा.
AIKS अखिल भारतीय अध्यक्ष आणि पॉलिट ब्युरो सदस्य कॉम्रेड अशोक ढवळे, CPI(M) राज्य सचिव आणि CC सदस्य कॉम्रेड उदय नारकर, CC सदस्य कॉम्रेड जेपी गावित, AIDWA अखिल भारतीय महासचिव आणि CC सदस्य कॉम्रेड मरियम ढवळे आणि AIKS राज्य सचिव कॉम्रेड अजित नवले आहेत. मोर्चाचे नेतृत्व करत आहे.