भगुर| शहरात वाढते कोविड रुग्ण पाहता राष्ट्रवादी महिला काँग्रेसच्या जिल्हाध्यक्ष प्रेरणाताई बलकवडे यांच्या झेप फाउंडेशनच्या प्रयत्नातून आणि पालकमंत्री छगन भुजबळ यांच्या नेतृत्वाने भगुरला कोविड सेंटर मंजूर करण्यात आले असून ते लवकरच सुरू होणार असल्याची माहिती माजी नगराध्यक्ष अँड गोरखनाथ बलकवडे यांनी दिली.
बलकवडे परिवाराकडून प्रशासनाला सेंटर सुरु करण्यासाठी मोफत जागा व बेड व्यवस्था उपलब्ध करुन देण्यात आली आहे. भगुर शहरात २० हजार लोकसंख्या असूनशासकीय रुग्णालयात उपचारासाठी नसून किरकोळ भगुर नगरपालिकेचा दवाखाना आहे, आणि नागरिकांना खाजगी दवाखान्यात जाणे परवडत नसल्याने अनेक कोरोना रुग्ण देवळाली छावणी परिषद नाशिकरोड बिटको येथे उपचार घेत आहे तर अनेकांना बेड उपलब्ध नाही अनेक रुग्ण घरीच राहून उपचार घेत आहे.
तर काही खुलेआम भगुर शहरात फिरत असल्याने आज रोजी ४८ ते ५० रुग्ण कोरोना बाधित आहे. त्यामुळे भगुरला कोविड सेंटर मिळावे याकरीता राष्ट्रवादी महिला जिल्हाध्यक्ष.सौ .प्रेरणा बलकवडे यांनी शासनाने प्रस्ताव पाठवून तसा पाठपुरावा केला. त्यानुसार बलकवडे व्यायामशाळा हाँलमध्ये ५० खाटांच्या केद्रास मंजुरी मिळाली आणि लवकरच ते सुरू होणार आहे, यात भगुर रहिवाशांना प्रथम प्राधान्य देण्यात येणार आहे.