!!🌹🌲"जिल्हा परिषद"🌲🌹!!

अध्यक्षाला म्हणती सारे नामदार !

जिल्हा परिषदेचे असे ते सरकार !!

मिनी मंत्रालय योजनांचा कारभार !

जिल्हा परिषद राबवती जिल्हाभर !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

जिल्हा परिषदेचे प्रथम असे मानकरी !

अध्यक्ष असती नामदार पदाधिकारी !!

भारतीय प्रशासन सेवेचे अधिकारी !

असती अधिकारी मुख्य कार्यकारी !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

जिल्हा परिषदेचे चालवण्या कारभार !

शासन प्रशासन मनोमन करी निर्धार !!

ग्रामीण सेवा देण्याचा करती विचार !

शासन योजना पोहोचवती घरोघर !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

प्राचीन मंदिरांची पौराणिक कथा !

देव मंदिरांना लोक टेकवती माथा !!

ग्रामीण जनतेच्या जपती जुन्या प्रथा !

बळ देती तीर्थक्षेत्र विकासाच्या रथा !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

ग्रामीण महिलांचे सक्षमीकरण करी !

जिल्हा ग्रामीण विकास यंत्रणा खरी !!

ग्रामीण पिडीत घटकांना मिळे उभारी !

ग्रामीण महिला उद्योग घेतसे भरारी !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

ग्रामीण भागात असती मराठी शाळा !

शिक्षकांचे हाती असती खडू फळा !!

संगणकीय शिक्षणाचा लावती लळा !

ग्रामीण मुलांच्या थांबावी अवकळा !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

जिल्हा परिषद शिक्षक घेती ध्यास !

आधुनिक शिक्षणाची धरती कास !!

गुणवंत शिक्षकांचा मिळती सहवास !

ग्रामीण विद्यार्थ्या यश मिळे हमखास !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

ग्रामीण भागात देती आरोग्य शिक्षण !

आरोग्य संस्थेत करती बाळंतपण !!

राबवती राष्ट्रीय आरोग्य अभियान !

वाढवती सामान्य जनतेचे आयुर्माण !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

ग्रामीण रस्ते इमारती उभ्या करती !

अभियांत्रिकी यंत्रणा तेथे राबती !!

लघुसिंचन बंधारे, गावतळे बांधती !

पडीत जमीन बागायती क्षेत्र होती !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

देती महिला बालकांना पोषण आहार !

भावी पिढी सदृढ होण्या देती आधार !!

अपंग कल्याण योजनांचा करी जागर !

योजनांचा लाभ देण्याचा असे निर्धार !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

पाणी पुरवठा योजनांची करी पाहणी !

यंत्रणा जनतेला देतसे स्वच्छ पाणी !!

कृषी पशु सेवा लाभ घेण्या विनवणी !

शासन यंत्रणा करी अंमल बजावणी !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

जिल्हा परिषदेचे आहोत सेवेकरी !

अभिमानाने सांगती सारे कर्मचारी !!

ग्रामीण योजनांची घेई जबाबदारी !

सेवा हमी कायद्याचा अंमल करी !!

जिल्हा परिषदेची ऐका विकास गाथा !

साऱ्या गावं शिवाच्या सोडवी व्यथा !!

🌹🌲🌳🌴🌹🌴🌳🌲🌹

कवी :- जी.पी.खैरनार, नाशिक

९४२१५११७३७ / ७०८३२३४०२१